layolayo baya gayod ang akong balay apan mao kini ang akong gikamingawan nga panimalay

layo baya ang akong balay
maong layo layo baya usab ang akong pagpaingon didto

matag gabii nga magmaneho ako sa akong sakyanan
mabati ko ang tiunay nga kahilom

dinhi ikasinati ko na usab ang akong kaugalingon
kay sa panahon ning kahilom sa panaw magsugod na usab ang pakighinabi

pakigsugilon sa akong kaugalingon
nga morag kaming duha suod na kaayong higala

taas pa ang panahon sa pakighimamat
hangtod nga inig abot sa balay

tagboon dayon ako sa akong lima ka iro nga sa akong pagbati
ako ilang ginoo

ablihan sa akong asawa ang pultahan og magsugod na
ang among panihapon nga kami rang duha

layolayo baya gayod ang akong balay
og matag panaw mahimamat ko gayod ang akong kaugalingon

sa pag-abot sa akong balay, tupad sa akong asawa og sa akong lima ka iro
usa na kami ka pamilya

layolayo baya gayod ang akong balay
apan mao kini ang akong gikamingawan nga panimalay