bak-bak

tambal kini
sa hubag nga
walay buthanan

sahay
buwak sa otot-otot
diha sa
hiwi mong
dalunggan

hampol sa bun-og
sa imong
aping nga gisagpa
sa daotang
hangin

mayanang pula
sa bagtak mong
gikabahong

dahon sa bayabas
nga imong inusap
sa imong
bag-ong gituli
nga oten

sabon nga Surf
sa maong mong
bulingon

kristal nga tubig
didto sa halawong sapa
sa bukid sa
Malindang

sa matag adlaw
kaping walay asukar
sa imong lamisang
puno sa langaw