sa dihang gibati ko ang awit sa imong kasingkasing

tupad nimo
gidap-ig nako ang akong ulo sa imong dughan

kaganiha sa akong nakita
lapad kaayo ang dagat og naglibog ako kon asa ako paingon

sa dihang gipiyong ko ang akong mga mata
sa dihang gibati ko ang imong pagpakahilom

sa dihang gibati ko ang awit sa imong kasingkasing
nakita ko ang akong pahulayan ning kalibotan

tupad nimo
wala ko na madungog ang balod sa dagat

ning kagabhion
nakita ko ang mga bitoon

sa ibabaw sa langit
pagkaanindot gayod sa tumang kahilom