gusto kag kritik
kuhaa ko
kay maayo ko
mogitik

ngita kag anest nga
kritik
tawga ko
kay andam kong
mokirikitik
iplastada na ang
imong balak
unsay imong gusto
ukay-ukay?
ah, basin gusto nimong
pang sm mall?
pang high end ba?
usahay bation kog
kalooy
sa mga tindero og
sapatos,
sa mga manglab-asay
og isda
sa mga namaligya og
utanon
sa mga ahente og
yuta
sa mga manuroyay
og budbod
kabalo ba ka nga
wala silay halin?
kabalo ba ka nga
naay uban diha
nga kusog mohangyo
apan dili diay
mopalit?
ingna ko nga taas
kog garbo
nga wala koy silingan
ah basta,
di ko manuroyay
di ko manghagad
di sab ko mangutana
kon nindot ba ang
akong ilong
kon dili ba halhag ang
akong buhok
sahay moingon ka
mangutana lang ko
kon taas ba ang akong
suwang
dili sa nahadlok ko nga
bakatagbas kining aping
gusto lang nakong
mahibaw-an kon unsaon
nako pag-usob ang
mga dili angayan
sus bay, sayang lang ang
panahon
kay sa tinood
tagsa-tagsa tag lakaw
og wala nay panahon
sa pagbantay
sa kabuang sa uban