sulayi palihog
pagsabot ang akong
pagpakahilom

sulayi lang

dayon molitok kog 
usa ka pulong

diha,diha
magsugod ang 
sukod sa imong
pagsabot 
kanako

manukad tang duha
diri

wala ko litoka kini
ako kining
gisulat og ang pulong
mismo ang
molitok sa iyang
kaugalingon

sayod ka ba
nga nangita akog
tagoanan

kay naningkamot
baya ako
nga unta dili nimo
mabasahan?

ang akong kahilom
madinumtanon
kon puhon imo kining
malitok

basin usa kini
ka dakong suntok