adunay nag-ingon kanako
ikamatay niya kini

pagkaabot sa maong higayon
nga nahitabo kini kanako
mao say akong giingon
ikamatay ko kini

wa ko namatay
ingnon kong hapit

sakit naa diha ang
pag-antos

pagkahuman niini
nakaingon ko sa akong kaugalingon

depende

sud sa akong kasingkasing
buhi ko

adunay pamaagi sa pagpakabuhi
nga dili kita mahisama kanila

wa nako kini ikamatay
ania, gisulat ko kini

adunay dili nato masulti
bisan dayag na kini

giingnan ko ang akong kaugalingon
depende

lain-laing tawo lain-laing diskarte
kalipay nga dili kaulaw
kamatayon nga kalipay
dili nga mahimo
depende lang gayod

kay ang atong kalipay usahay
kasakit man god sa uban

ikaw nga nakakaplag na niini
paglipay

wala kini sa akong palad
apan wala usab ako magsubo

pagkadaghan sa kalibotan
apan usa lang gayod ang atong kapuy-an