igham sa kaadlawon

 1
mga patay
lang ang magmadaugon
ning dakong gubat
sa katawhan

2
ang mga walay labot
maoy mamahawa
ang mangabilin maoy
mag-unay

3

human niining tanan
ang mga gubang balay
ang mga mingaw nga 
agianan
magpangaway na usab
sa mga nanglabay

4

nganong gipaak gani 
sa tanga ang baki? 
nganong silang duha
nangamatay?

5

maoy naandan
maoy kaliwat
maoy kalingawan
maoy kinaiyahan

6

busa ayaw katingala
nga usa ka sa mamatay
pagkaugma