kay lagi, sakit

gipangita ang anino
sa ilalom sa
dakong punoan sa
baliti

wala sila didto

dunay nakamao kon asa
atua didto sa balay pahulayan

nining higayona
nasabtan ang mga kauhaw
bisan og wala na ang pulong

kon moabot ang mga pulong
gamiton kini sa laing
panahon

kabalo ka kabalo ko
apan kinsay mohisgot bahin niini?

ang mga wala mahibaw-i
ang atong hisgotan

dinhi sawsaw ang mga pulong
sama sa bulad sa suka nga aslom
nga gibutangan sa daghan
kaayong pinisat
nga sili

kabalo ko nga kabalo ka
apan ning kasayoran
walay usa kanato ang mobungat

kay lagi, sakit.