labyog...

daghan kaayo ang
dili masulat, dili tungod 
kay dili
angayan, apan
tungod kay segurado ka
nga kini dili nila dali 
masabtan
nga ug masabtan man
kunohay
dili usab kini nila dali 
madawat
labi na nga silang
tanan naapil niini, nga bisan
ug dili pa kini nimo litokon
bisan sa paglabyog
 lamang sa
imong ngabil diin nagtago
ang mga lungagan
 nga ngipon,
makita mo na gayod dayon
ang ilang balahibong 
nanglimbawot og mga
singot nga hagkot

ug sa dihang mihukom na
 ka nga
bugkosan na ang
 kurtina
sama sa pagpangko
sa buhok
sa tinderag lukot
aron makasulod
 ang hangin
dayon nilag dali-dali ug
kulipas nga sila adunay mga
kabilinggan sa ilang tagsa-tagsa
ka panginabuhi o mga
panimalay busa kinahanglan
nga gayod ang pagpauli

wa na gani giluwat ang
katakos diha sa pagpabilin
sa usa ka
ka pagpananghid.