alang kang J.

pagkamabaw sa iyang
kalipay
nagtampisaw sa kalaay
 
pagkadako sa iyang
mga pangandoy
pagkahabog sa mga dili
pa gayod makab-ot
 
pagkatulikibon ang
iyang mga tigmo
pagkalisod hubaron ang
iyang mga duso

sa matag adlaw 
gibati niya ang mga pinaakan 
sa mga gagmayng
hulmigas sa iyang kapalaran

nangusi ang paglaom
nagpungasi ang kusnit sa
kapakyasan

ingon ana ang iyang
 kinabuhi
bagag nawong
duhay dala
doble kara