pagpasabot sa mga kasikas

ang tanan
gisulat man lamang
sa hangin

dunay sa tubig
apan gipapas sa balod

dunay sa balas
wala sab milungtad

wala kini gisulat 
aron mabasa aron
magdugay

anaa lay nagdaot
gustong maayo

anaa man goy
nawala gustong makabalik

anaa ang panaw sa
pagsulat

sakayan nga gusto
na nga mudonggo sa 
pantalan

agianang kahayag nga
unta mohikap nas langit

matag adlaw makita ang
mga pulong

nagpalimos sa pagsabot
nangitag mosagop

matag gabii anaa ang mga
hinungaw sa usa ka hulaw

matag kaadlawon anaa 
ang kalag nagkaragkarag