unta magpadayon ang inyong awit sa kahayag

mga gangis nga
miawit sa dakong
kagwangan sa akong
kagabhion

ngano ba nga mawala
man kamo sa
sayong kabuntagon?

unta magpadayon ang
inyong awit sa kahayag
og kon dili man gani
awit bisag gamayng yawit
man lamang

aron lang unta mabibo ang
akong adlaw 
diha sa akong paglawig sa
pulong
sa dakong lawod sa rason
inig dunggo nako 
sa lapyahan sa kahilom