valsul trandafirilor

ang batang babaye
nga wala puk-a ang
buhok
migawas sa balay
subay sa dalan
paingon sa bungtod

midagan kini
inablihan ang iyang
mga bukton
sama sa mga pako
sa usa ka
tuwabong

wala koy nakita
nga laing tawo didto
nga morag
iyang gitagbo

kon unsa man
ugaling ang iyang
gibati o
nakita niadtong
higayona

ang akong ikasulti
mao lang gayod ang
kabahin sa
mga kogon og
hangin