pamayhon

namatay ang
bol-anon nga negosyantig
ukay-ukay
nga among silingan diha
sa unahan

girad-an na usab
ang karsada dihang dapita
alang sa mga
manalabtan og sa mga
sugarol og madyong
tong-its og uban pa
aron lang gayod 
bilaran ang maong
mipanaw

bisan og wa ko mangutana
kining akong tsismosa nga
katabang
miingon nga 

"sus Manong pagkaistrikto
anang tawhana
wantaym iya kong gikasab-an
nganong
nagtindogtindog kos iyang
tindahan og ukay-ukay
nga unta
gusto man kong mamili og
mopalit"

(pobre ka man god og 
pamayhon
inday,
mao na nga gidudahan ka nga
kawatan)

 x x x 

ingon ana ba god ang Ginoo?