bahin sa nangulitawo niya

halhag na ang iyang
mga buhok
naa na say pangag
ang iyang alingagngag
medyo
mitambok samtang
nagkataas
ang edad

mingaw ang iyang
kabuntagon
subo ang mga kahaponon
unya ang mga
kagabhion
anaa sa mga bugnaw
kaayong mga
bukton

haw-ang ang lawak
nabalaka ang hawak

ang lawak sa pikas
puno sa kasikas
patay nang dugay
ang iyang kapikas

sahay makamaong
magdula ang panahon
nga sa dihang gihatagan
siyang usa ka pungpong
nga rosas
kuyugan sa usa ka
basket nga hinog
na kaayong mga bayabas

mikatawa siya og dayog
ingon, "nabuang ka?"