sa kapait

sa adlaw sa kasingkasing
kuyog ta ang laing duha ka
magtiayon ug usa ka bulag
sa bana
didto sa Baybay Resort

nindot ang lugar
daghang buwak ang dalan
labong ang
carabao grass
dayon kalma kaayo ang dagat

gani nakapangutana man si Dan
kon ingon ani ba gayod ang dagat
dinhi nga morag habol sa higdaanan
sama sa kalinaw sa payag

dulom ang panahon 
dili makita ang pagsalop sa
adlaw

sa tibuok gabii
gipamati namo ang kasakit
ang kamingaw nga dili
masabot
sa babayeng gibiyaan og
bana

unta mas namati ako sa
usa ka gangis
nga bisag napiit ang
awit sa kangitngit
makahupay gihapon
sa kapait