pungpong nga buwad

sa dihang miingon ka
nga mas maayo pa ang pungpong
sa buwad ang
imong dawaton karong
valentine's day
kaysa pungpong sa pulang
mga rosas
medyo nakahinuktok ko

nangutana ka pa kon
makaon ba ang buwak?

nakapangutana sab ko
kon makaon ba ang gugma?

mas bug-at segurong dawaton
ang kwarta ang daghang kwarta
nga makapalit og daghang
makaon, apil na ang mga buwak
nga dili makaon,

nuntan ta, daghan kag kwarta
daghan kag makaon, apan ayaw
kasuko ha,

nganong di man lagi ka malipayon?

hagki ang buwad
gaksa, idulog,
hagwaa, ipita,
tilapi ang buwad
apili ug tuwad.