alang sa mga lakwatsero sa kinabuhi

napildi ka.
pirdi-gana.

nakigdula ka sa
ginoo.
dili puyde ang 
insulto.

napildi ka sa gugma
amigo mo ang kontra.

imnon mo ang imong
kaugalingong laway.

kan-on mo ang imong
kaugalingong kiki.

lood. hugaw. 
unsaon mo pagpaanyag
ang alimuot?

sa nagpasad diha sa imong lawak
asa mo dapit sugdan ang kaanyag?

baho ang imong purol
nanimaho ang imong sinina.
ihi lamog sa tae.

lood. hugaw. 
naa ba kini sa natad sa arte?

kining mga butanga nga gitago
sa mga lubnganan
ang atong nahibaw-an nga lood,
hugaw.

sikma. suka. igit.
kugmo. bitok.

nganong imong gipugngan ang imong
gibati?

mao ba kini ang gidili sa atong
pagpamalak?

suba nga dugo sa ilalom sa tulay.
ulo sa naputlan og liog kagahapon.

putol nga tudlo. gihiwa nga itlog.
giabis nga totoy sa dalagang ulay.

dugmok nga bukog sa bata.
putol nga dila.

kabahin kini sa tamas-tamas.
mga tinabas sa hait nga gunting.

gusto natong ihapnig sa atong panahon.
alang kanila.

unta dili sila kalimot nga ang tanan dili usa ka komedya.
diha sa pagpasagad sa starbucks.

yano mo lang gisuroysuroy ang imong
kabatan-on
maong dili ka andam sa mga tulisok
sa imong 
katiguwangon puhon.

wala ko ganahi sa imong pahiyom.
magpaabot ko sa imong pagsawom.

kanang dili ka na makatunga.
apan dili ka usab mamatay.