alang sa dagang nga kagang

karong gabhiona akong
isulat ang kabahin sa dagang
nga di masukod ang iyang
kasakit
sa dihang akong giingnan
nga daghang sama
kaniya

(dili na siya
orihinal)

apan tinood siya,
kamaong masuko
mamalikas,
mosubalik, moulbo

ang iyang kasuko kanako
wala nako
suklii

hadlok ko nga
siya
mamatay kay sa tinood
lang gamay
nga lang ang dagang
nga kagang 
orihinal