Ikapito

undangi na ang
pag-ilad sa imong kaugalingon
sakto na ang pagtagik
sa mga pulong kabahin sa
mga nangahulog nga
dahon ayaw
na sulayi pagpanindot ang
mga ngil-ad
sobra na ang imong paghimo
og mga bakak
kabahin sa kalaksot
sakto na
baliki ang timbangan
yukboi ang balaod
ang maot maot
ang maanindot nindot
wa walay pagdapigdapig
sakto na ang pagpamalak
gitawag ka sa tinood mong
Bathala
ania na ang tinood
hukmi ang laksot
buhii ang maanyag
kay kani iyaha sa langit
ang imoha
ibalik sa hawla
hikti ang baba
ayaw paawita.