lasang

ingon ani diay ang
mga panghitabo sa dihang
miabot na ang
mga sangpotanan ang mga

balita nagubot unya gitapokan
sa mga walay labot
samtang ang gikatahong patay
mitikig sa dula sa 

kapait sa kinilkig lahi sa 
kuskos balungos sa isdang
tambasakan kon imong balikan

dili na guba ang merkado
ni serapin dulhog ang agianan
sa aluhipan, ngano ba? unsa ni?
unsa na?

unsang dalana kining akong
gisubay,
nabali ang salampati nga 
nahimong kwaknit sa punoan
sa bukanang 

tagboanan sa asgad og tab-ang
nga sulog sa luha sa
ulan, ngano ba? banga no? 
nangutana ka?

usa lang ang akong gustong
dili kalimtan, 

kadtong hubog ka unya
mihilak, 
wa mo gisangpit ang ngalan
sa kalipay
gigakos mo sa gihapon ang
tanang kaguol
bisan kon wala na ang imong
mga bukton

usahay, wala nato gipili ang
pulong 
aron unta masabtan ang
panghitabo

dili katuyoan nga kita masabtan
pa, usa lang: walaon ka, libogon
ka, dili aron ka malingaw, kondili
aron mabati mo kon unsa ang
lasang.