sa dihang nahawan na ang karsada

karon nga namatyan na
sila
nanagan ang tanan
sa tumang kahadlok sa 
bala
hawan na kaayo ang imong
karsada
makalabay na ang imong
mga sakyanan
apan sa gihapon wala masulbad
nimo ang ilang
kagutom

malipayon na kaha ang 
imong katilingban?

hawan man ugaling ang agianan
apan mas mihagip-ot ang mga dughan
sa kadaghanan
morag wala na gani ni bisan hangin
nga makasulod sa ilang
kaugatan

sahay makaingon sila maypag
naapil sila sa wala kunuhay
nimo matuyong pagpatay

dunay naghisgot nga unsaon mo
daw pagpatay usab ang mga patay
nang daan?