nasulat na man nila

nasulat na nila ang
tanan

nindot pamation
ang awit sa kaugmaon

ang kagahapon nga
ikog sa pagi

ang karon nga nagka
lecheleche

dili nako kini awaton
mas daghan pa ang

wala nasulat ug kini
bahin sa akong kaugalingon

yano lamang
ang mga tuway sa suba

sa Olingan, ang mga 
buwak nga mikatay sa

daplin sa baybayon ang
iro nga talawan maligo

ang nasunog nga mga
dahon sa kalubian

ang kinilaw nga tuloy
sa ala una sa hapon

ang mga bakhaw nga
gabok nga inig abot sa

Disyembre atong gihimong
christmas tree...