ingon ani gayod diay, unta nag-angay na lang, nagsinabtanay unta...

miabot ang adlaw
nakapamahaw ang
mga dahon

mibuswak ang
mga talutot sa mga
rosas

miabot ang hangin
misayaw ang mga sanga

nangahulog ang
mga hinog nga mangga

miabot ang mga bata
nga namulak

nag-ilog sa nahulog
dapit sa lapok

wala matagbaw
nagsumbagay

adunay nabun-og
adunay nag-iyak adunay
miuli sa ila ug
misumbong sa tatay

ang mga tatay nagtamparusay
samtang ang mga nanay 
nagsyinagitay naglayog
sa mga buhok nagbinirahay

ang adlaw misalop
ang mga dahon nanihapon
ang buwak nalaya
ang mga mangga nangalata