ang pagbali sa tinood...

kaganiha
mangumusta unta ako kanimo

balik sa atong gibiyaan
kadtong didto ta sa gensan
unya namalit tag durian
nga atong gisaluan
sa kasapo, katam-is
kalamian

nakahinumdom ko 
miabot ta sa inyong
karaang balay nga puros
kahoy unya nipa ang atop
nga inig abot sa kagabhion
mosurop gayod sa atong
kabukugan ang 
kabugnaw sa lugar

dili kaayo dako ang habol
nipis ang ponda
unya ang alugnan dili ginama
sa doldol

usa lang ang dili nako hikalimtan
dunay mibaylo kanako ug kwarta
nga wala gayod nako
nabalibaran
mipirma sa papel
aron dili unta malimtan

sa dihang miuli na ako
wala ko katingog sa dihang
kadtong mihulam nagpasalamat
atubangan kaninyo
nga kuno dako kaayog natabang
ang akong gihatag

kaganiha
nawala na kanako ang gana
sa pagpangumusta