ANG PRESIDENTE

gibugwakan kuno
niyag halu-halo ang
nawong sa
iyang higala,

 dayon kung
magbasa siya ang iyang
mga mata nga magdagan-dagan
 tabonan
sa baga kaayong libro,

ang iyang nawong
morag bongbong nga
gipuy-an sa
mga kwaknit

kon maglakaw na 
siya 
morag aliwas,

magkurog ang
iyang mga tudlo
kuyog sa iyang
mga tiil,
samtang maglingkod
siyang
nag-inosara sa
kilid sa bentana


kon moabot na ang
magtutudlo
motago kini sa ilalom
sa lamesa,


ang tawag niya
sa iyang mga
kauban:

 "baliw"