fantasia

kon makatawag ka mora bag
ugma matapos na ang kalibotan
pa i love you i love pa
kuyugon sa miss you so much
unya ingon wa ko mitubag kay
naa ko sa silent mode lantaw sa
imax movie nga alice into the looking 
glass,
nalingaw ko pag-ayo maong wa ko
kaayo nag-ambat nimo,
wa ka miundang og tx, kinsa daw
akong kuyog, nakulismaot akong
nawong, mora kog gikulitan,
miabot na pod ang imong kaselosa,
apan nindot kaayo ang imax, talagsa
ra kong kalantaw ingon ani,
ambot ug naunsa ka diha sa katipunan,
apan sa akong ginaingon wa na ko
kaayo mag-ambat bahin niini,
ganahan ko kaayo sa part nga 
mipirma na ang mom ni alice nga
gibaligya na ang barko sa iyang
dad ngadto sa mihangyo nga mangasawa
unta niya apan iyang gibalibaran,
sa kasuko ni alice, giingnan niya ang
iyang mom nga, you will be the last 
person i would like to become, dayog
dagan palayo hangtod nga nasulod siya
sa usa ka lawak diin tua ang asul nga
alibangbang.
dunay nangita kaniya unya wala na
siyay laing kagawsan gawas na lamang
sa samin diin siya misulod dayog
entrada sa laing kalibotan.

mao kini ang kalibotan sa fantasia.
ikaw nga sigig tx mora kog gigukod
unya nakasulod sab kos lawak nga
wala na koy laing kagawasan, 

nangita kog samin, aron adto sab ko
moambak, aron mawala na sad kos
dayon.