kon ang tanan nahimong mga damgo na lamang

ang ako, ako
ang imo, imo

nahuman na ang
pagpamupo

nalaya na ang mga
buwak

bisan si kinsa man
makaamgo

sa kaamat kaniadto
diin ang imo imo
unya ang ako imo lang
gihapon

ang nagpiyong nga
mga mata dili sa
tanang higayon dulgan
sa katulugon

ang mga buntag kamao
sang mobiya
unya ang kagabhion
modawat sa bisan unsang
kasikas

ang kalabaw nagpunay
ug nguya bisan ang mga
sagbot mga damgo na
lamang

ang tamsi nga miduaw
kanatong duha sa may
pantawan nga miawit
kabahin sa atong gugma

gitirador kuno sa usa ka
batang walay buot
namatay kini gikaon sa
mga hulmigas...