matag buntag

matag buntag
ang kasagaran nakong madungog
mao ang tingog sa pagpanilhig

kon akong lantawon sa bentana
makita ko na usab ang babayeng puti na
ug buhok 
gaduko
gasilhig sa mga sagbot
aron undukon kini dayon
sunugon

mag-aso na usab ang nataran
unya ang maong babaye maglingkod sa silong
sa punoan sa mangga
nagpaabot nga kini mamunga
unya iyang kuyugan sa iyang mga panglantaw
ang aso nga miabot sa
langit