alang kang K.

didto sa
baylehan adulong
nas kaminyoon
wa nako ikatingala
nganong sa
among pag-abot
kaming 
nahigugma kalit
pod dayon
ninyong gibiyaan,

mao pa lang
kadto ang pagsugod
sa imong kapungot
kanako nganong
akong gipili ang 
kunuhay dili angayan,

daghang katarungan
nga sa karon dili pa
isulti, ania pa kami sa
tungatunga sa among
sayaw
kiaykiay, ambak-ambak,
tikig-tikig,
gakos labay,
salo hawid, tutok
halok
dumog,

wala ko palabya ang
imong mga pagdumot nga
kanako midulot

apan hilom lamang ako
sa dughan sa panahon
kay ang tanan
matapos man, nakasaad
na ako
nga unya sa imong haya
dili gyod
ko moanha