basin, basin ug didto nato magakos ang kabuntagon.

ang pagsulat mao
ang pagbutang ug mga utlanan
sa atong nalatas

kining latas nga walay hunong
paingon sa walay kasegurohan

dili mahurot ang mga bato
nga ihalad tas mga lubnganan

matag lugar nga atong naadtoan
mao ang mga lugar nga atong 
pagabayaan

sa atong mga gikan-an gibinlan
tag mga panit, upos, ug usahay
sip-on ug luwa

didto sa kilid sa balay nga nipa
nahupas na ang mga bakho

sa unahan, sa unahan, maoy atong
paglaom, basin, basin ug didto 
nato magakos ang kabuntagon.