di·lem·ma

nabuak ang imong balay nga
samin
pagkadako sa balay
pagkadaghan sa bildo nga 
nagpasad

ikaw nga anaa sa sulod 
samdan
ang dugo mibaha ang kahapdos
mipasopaso
sa imong panit sa imong kabukugan
nakapangutana ka ngano
nga nahitabo man kini?

nagpuyo ka man god sa usa
ka dakong balay nga samin
dako nga balay
unya ikaw tinood nga tawo 
unya ang imong mga tinan-ogan
nangalata, nabaho, nagduga usa



lang ka bato, nabuak ang imong
balay nga samin
anaa ikaw natugsak sa mga bildo
samdan
naglunang sa dugo diha sa imong
panit sa imong kabukugan
unya ang mga pangutana namati
sa mga tubag nga gikan ra usab
kanimo

usa lang unta ang tubag: nga kini
dili tinood
nga kini tumotomo lamang sa usa
ka urom

apan makalibog nganong ikaw mismo
dili man makasulti niini diha sa 
pultahan sa imong
kasingkasing....