diha sa panaw

ang atong wanang
yano, nindot, lapad
dako

ato kini
atong duha lamang
dili nila mabati
dili nila makita

buwan ako sa
ibabaw sa imong buhok
ikaw sab ang akong
buwan

angay angay kita dinhi
sa atong wanang
nga dili bisan kanus-a
mahurot

gawas lamang kon ako
dili na ang buwan sa
imong buhok
gawas lamang kon 
dili ka na
mokuyog sa panaw
sa way kataposang
baktas sa atong wanang

dako kini
lapad ug bisan kanus-a
dili mo mahakop
dili ko mahakop
diha sa panaw