mas nindot, mas lamian

mas nindot baya
kon dili mo lantawon ang
awit

mas nindot baya usab
kon dili mo hikapon ang
mga dayag

mas nindot ang 
kangitngit
hawid diha sa gugma

mas lamian ang 
pagkaon kon diyot lang
kini

mas molambo ang
gugma
kon dili kaayo hugot
ang paghawid

mas molig-on ang
kaugalingon
kon usahay mapiit ang
ugat
kon sa panahon nga
maputol kini
makamao kang 
motayhop sa sakit
nga imo lang usang
pasagdan
hangtod dili na kini
makaila
sa kinutuban