bisita

nindot pamation
kanana naapil ka nila

mora bag panimalay
mo ang kalibotan

usa ka sa tanan
dili ka kinumot nga putos
sa bulad

kon adunay panagkita
apil kas gitawag

apil kas inihap nga botelya
sa coke

pangutan-on ka pa kon
red o white wine ba

lami hunahunaon apan
usahay sakit sa  ngipon

mahikapan mo gihapon
ang tinagoang hubak

unya ang baho asa
nana

diha sa pagpanira sa
pultahan

unya tua sa gawas ang
wala pa kakaon