sabot lang pod ta kon kita na ang tinood lang baya ha?

magbansay tag
pamakak
kitang sa kanunay
ug kadugay
nagmatinud-anon

kanang di ta mamilok
kanang dili mokurog
ang atong ngabil
kanang dili moalsa ang
atong kilay
walay paakay ug
dila
ayaw ipakita ang ngipon
dalha ang tanan
sa pahiyom

nindot ang pagpamakak
way masuko
sa gusto nilang madungog
gikan kanimo
busa kana lang
kanang ilang gusto mao lang
ang isulti
ang isangyaw

kadtong maot ug dagway
paslayd lang gamay
ibalhin ang pagdayeg didtos
iyang aryos

agwantaha usa
aron malipayon ang tanan
diha sa uyon-uyon

sabot lang pod ta
kon kita na
ang tinood lang baya ha?