saykil

wala ang adlaw miabot
ang atong gisakyan ang 
mituyok

nangalakaw kita
mipahulay, mikaon,
mikatawa, nagsultianay,
nag-inom, naa sab
ang away ang
sinukliay, ang
sinumbagay ang
pinatyanay, ang gubot
ang gubat, ang
syagit ang iyak ang
lubong ang pagsugod
na usab sa gugma
sa layat, sa kayat, 
ang bunyag ang pagtoon
paglakaw ang tabyog
ang duyan

ayaw ako ug igna nga
anaa na ang adlaw miabot
kay kita lang ang gidaladala
nianang nagtuyoktuyok
unya kon unsa man ugaling
ang dangatan, anaa ang pala,
ang magbuho, ang molubong
ang laing mangaliya.