MISS UNIVERSE
pabugduhay, panindotay, may pakiaykiay,
kalibutanong sabong kini sa mga maanyag nga Inday,
suliyaw sa katawhang nagtan-aw sa pakiatay,
bangga sa kaanyag kining makapatubod ug laway,
mga kalakin-an, kababayen-an, hasta wanggits,
mag-ambahan,
magkinuptanay, ug may mangablit,
mga pangutanang mangukay ug kahibalo daw latigo,
may magpitokpitok, may hait manubag sa entablado,
dili sa kidhat ug patas-anay’g silong ang hukman,
dili sa pahiyom nga
makapatin-aw sa mata’ng gilumutan
ang himoong sumbanan sa angay’ng mapurongpurongan,
kamaundanon sa
gipaambitan’g kahibalo
gitutukan,
ang kandidata’ng pinakamaayo mangladlad sa tinaguan,
sa kahibalong gipahayagan, siya ang ilho’ng senyalan,
Miss Universe, kuninitan ug
han-okanan,
ilhon ang pinakamaanyag nga gikaintapan sa tanan…
No comments:
Post a Comment
Lami ba?