wala nay gihandom kon mausab pa ba ang mga adlaw

anaay sa kanunay
mangayo kanimo ug
pasaylo

moingon siya
kalimtan na nato ang
tanan

sa matag adlaw 
anaa nag-atong siya kanimo
naghangad
kon kanus-a mo na usab
siya antosan

anaa ka naglantaw kaniya
sa hilom lamang
wala nay gihandom kon
mausab pa ba ang
mga adlaw

nangutana ang babaye
nganong usahay ang kalipay
sa uban
mao man ang iyang kasakit?