duha mo ka nawong

ang anino
nagpahipi kanunay
sa atong likod

milantaw kini
sa kahayag sa kabuntagon
dapit sa bentana

nahisama kini sa
nagpahipi mong lain nga
kaugalingon
nga hadlok usab sa 
kahayag

kay basin unya kini
siya mawagtang
kay siya ang anak sa
kangitngit nga imong
gimahal

duha ka nawong sa
tawo ang anaa kanimo
kon asa ang gitawag
nilag laksot atua ang 
imong kasingkasing

busa ang kahayag ug
kangitngit magsoon 
dili mabuhi ang usa kon
wala ang usa
kon imo kining ipanghimakak
sa tungang gabii
maglayog ang tumang
kahadlok ug kabalaka