itom nga alibangbang

sa kakapoy
magsalimuang ang
hunahuna

apan dili kini magdugay
diha sa kalaay
sa kasakit sa gibati
sa umaabot

mahimong ablihan
ang hawla
aron manglupad ang
tanan puti nga
langgam

sa mga panganod sa
kisame
mahulma ang dag-om

ang mga lingkoranan
manubo isip kahoy
unya ikaw diha sa kakapoy
motugpa isip usa ka
itom nga alibangbang
nga kahadlokan
sa mga lumalabay