adunay gamit ang tanan

kon wala na ang mga papeles
ang mga libro
kon wala na ang mga kasikas
sa kinabuhi
kon wala na ang mga dahon nga
nangahulog
kon moundang na ang ulan
kon wala na ang madungog mo
nga away sa mga silingan
ang mahibilin mao na lamang ang
hawan nga salog sa imong balay
ang gilatag niini nga kahaw-ang
nga mas bug-at pa kanilang tanan.

adunay gamit ang tanan busa
unta wala ka nay kabalak-an.