alas dos sa kaadlawon, alang sa walay hinungdan

dakong sayop ang imong gibuhat
nagpailaila ka man god
sa usa ka sayop nga ngalan

kadtong nakadungog gilood.

gipasagdan ka
gisakyan, samtang misulay kag
hirit sa usa ka katawa

wala damha nga sa pag-abot
sa ulan
tungod kay wala ka may payong
o kapasilongan
nabasa ka pag-ayo sa usa ka
ngalan

piso ka pa lang unya walay
inaan.