maandan

dugay dugay
baya usab nako nakat-onan
ang pag-inosara

haskang lisoda
ang atong giagian

kanang magbalibali
ka sa gabii
nga mora kag bingka
nga gihurno

baga sa taas
kalayo sa ubos

mora makita mo ang
paglitson sa
baboy

sa kadugayan
mohinumduman mo ra
gihapon ang
kalami sa tinap-an

ag bulad nga dugay
sa nataran gipatikig
sa pipila
ka init nga adlaw

makat-onan kining
tanan
inanay lang
hangtod nga dili na
kita madutlan

ang kamingaw
ang kahaw-ang
ang kasakit ang
kahapdos baya
morag wala na lang
morag 
nanglabay na lang
nga dili na gani
kaayo nato
mahinumduman