ang imong tigmo nga ako lang ang nasayod sa tubag

lahi ka man
human sa halok
gitinuod mo man
gibati mo
ang mga tigmo
sa dila.

nasayod ang akong
ngabil sa tubag.
nagpakahilom ang
alingagngag.

ang gugma usahay
usa lamang ka dalan.
puros paingon
walay gustong 
mobalik.

gimug-utan mo ang
hangin.
wa na  nimo tinggi
ang dagat.

nasayod ako sa tubag
sa tigmo nimo
sa langit.
ang yuta mao ang
hulganan sa
atong kamatooran.

miputak ang inaan
dayog kahadlot sa sunoy.
ang tanan itlog
puros lang kini
pagalung-agon.