sa kan-anan sa shanghai

Add caption

dili na nato
awayan kon papuno
na ang baso
o pahurot na kini

kon ang kutsara aduna
bay mantsa
kon ang tissue gamay ra
ba kaayo

kon nganong dugay ang
sabaw ug ang
kan-on nganong halhag
ra

di sab ko mamugos kon
dili ka
kamaong mogamit sa
chopstick

ang kalinaw mao na ang
pagbuhat lamang sa angayang
buhaton

di na ko mangutana
di na sab ko modapit