ako ang kataposang katawa

mahimong dili ako ang
kataposang pulong 
apan sa laing bahin sa
pipila ka adlaw ug sa
umaabot pa ako na
gayod ang kataposang
katawa.

kuyog kanako ang
kainit sa adlaw ug ang
kabugnaw sa bulan
tupad nako ang gimahal
kong kahilom.

nahinanok ako sa oyayi
sa mga gangis sa dulom
mahigmata ako sa sayaw
sa mga dahon inig siak
sa  kaadlawon.

ang gugma nagpabiling
lapad kong katigayonan
ang mga patag niini
ug ang mga kabungturan
ang mga saad sa kinabuhi.