H I M A B A Y E

HIMABAYE

pulong nga mabulokon,

sa mga asawa gukdonon,

pagdibuho kinis bana'ng maibogon,  

dili mahimutang,  daw kanunay’ng gutom,

kamanggihatagon sa kainit,

kini ang sinugdanan sa panginit,

nagkadaiyang suok masudlan,

pangulipas ug palusot huptan,

kuwarta, kusog, patuhoy ipamuhunan,

maningkamot sa kaguwatsi dili mapagngan,

kon pangutan-on sa kanunay'ng pagkawagtang,

pinakunot sa agtang mangatarungan,

kay kahimabaye kuno tabitabi lang,

kini usa ka talan-awön sa kakugihan