liberal

wala na ang
pamalaod kanako
gipapas ko na
ang tradisyon

uyab lang kita
kon magkita
kon wala ka
dili ako mangita

kon maghalok 
kita
gibutang ko sa
akong hunahuna
nga sama kanako
ikaw mobiya
nga sama kanatong
tanan
aduna kitay
utlanan

gipahimangnoan
ko ikaw
sa atong panag-uban
awata ang akong
halok
ang akong tanday
ang akong gakos
kon mohapwag ka
na sa imong
matood nga gihigugma

wala na ako
mangutana og
dili na usab ako
mangutana
kon aduna pa bay
tinood natong
duha.