likay sa kasakit

pakusgan ko ang
akong paglakaw
ning kagabhion
aron dili kaha ako
maapsan sa 
migukod kanako nga
dakong kasubo

kon magkaduol na
siya kanako
modagan ako aron
dili gayod niya
ako madakpan

inig abot nako sa
among balay
ang pultahan ug mga
bentana akong
sirad-an

oo, wala niya ako
maapsi
oo, wala niya ako
mahawiri apan
ngano ba nga ania
ako
subo man hinoon
kaayo
namula ang mata
diha sa pag-iyak
nangurog ang mga
kamot sa tumang
kahadlok
busa sa usa ka lapad
nga tanduay
ania, miyarok